ТОШКЕНТ, 13 сентябрь. /«Дунё» АА/. Марказий сайлов комиссияси (МСК) томонидан жорий йил 25 август куни қабул қилинган “Ўзбекистон Республикасининг чет давлатлардаги дипломатик ваколатхоналари ва консуллик муассасалари ҳузурида сайлов участкаларини тузиш тўғрисида”ги қарорига мувофиқ, Ўзбекистон Республикасининг чет давлатлардаги дипломатик ва бошқа ваколатхоналари ҳузурида 54 та сайлов участкаси тузилган эди, деб хабар бермоқда “Дунё” АА мухбири.
Амалдаги қонунчиликка биноан ва Ўзбекистон Республикаси Президенти сайловини ўтказиш бўйича белгиланган санага мувофиқ (2021 йил 24 октябрь), мамлакатимиз сиёсий партиялари 20 августдан 9 сентябрга қадар олий лавозимга ўз номзодларини кўрсатишлари лозим эди.
