Termiz shahrida bo’lib o’tayotgan Xalqaro baxshichilik festivalini dunyoning yigirmaga yaqin davlatidan kelgan ommaviy axborot vositalari vakillari keng yoritmoqda.
Xalqaro baxshichilik san'ati festivalining tantanali ochilishiga bag’ishlangan kontsert dasturi davom etmoqda.
Jahon tamadduni beshiklaridan biri bo’lgan qadimiy Termiz milliy ruhda bayramona bezatilgan. Nafaqat mamlakatimiz, balki butun dunyoda ilk marta o’tkazilayotgan Xalqaro baxshichilik san'ati festivaliga puxta hozirlik ko’rilgani O’zbekistonning janubdagi gavhari bo’lgan qadimiy va navqiron ushbu shaharga o’zgacha shukuh va tarovat bag’ishlagan.
2019-yilning 1-aprel kuni Bryussel shahrida e’lon qilingan Xalqaro mehnat tashkilotining (XMT) hisobоtida Jahon banki tomonidan O‘zbekiston paxta sanoatida bolalar va majburiy mehnatdan tizimli foydalanishga barham berilgani e’tirof etiladi.
O‘zbekiston Prezidenti Shavkat Mirziyoyev Termiz shahri yaqinidagi Sulton Saodat maqbarasini ziyorat qildi. Qur’on tilovat etildi.
2019-yilning 3-aprel kuni Farg‘ona shahrida bo‘lib turgan O‘zbekiston Respublikasi Tashqi ishlar vaziri o‘rinbosari Alisher Abdualiyev Farg‘ona viloyatiga chet el investitsiyalarini jalb qilish bo‘yicha mamlakatimizning xorijdagi diplomatik vakolatxonalari faoliyatiga bag‘ishlangan yig‘ilish o‘tkazdi.
OAV vakillarining murojaatlariga binoan Koreya Respublikasidagi klinikalardan birida 2018-yil iyul oyidan buyon koma holatida yotgan O‘zbekiston fuqarosi Abram Niyazovga amaliy yordam ko‘rsatish masalasini O‘zbekistonning Seul shahridagi Elchixonasi Konsullik bo‘limi nazorat ostida ushlab turganini ma’lum qilamiz.
O‘zbekistonning Olma-ota shahridagi (Qozog‘iston) Bosh konsulxonasi bergan ma’lumotlarga ko‘ra O‘zbekiston fuqarosi Jasurbek Toshpulatov 2019-yilning 25-mart kuni diplomatik vakolatxonaga murojaat qilib, hisobga qo‘yib berish bahonasida olib qo‘yilgan va qaytarib berilmagan o‘zining milliy pasportini qaytarib olishida yordam ko‘rsatishni so‘ragan.
Davlatimiz rahbari Buxoro viloyatiga tashrifi doirasida Kogon tumanidagi “Taraqqiyot” mahalla fuqarolar yig‘ini markazida bo‘ldi.
O‘zbekistonning Vladivostok shahridagi Bosh Konsulxonasi (konsullik okrugiga Rossiyaning uzoq sharqiy fedral okrugi kiradi) ma’lumotiga ko‘ra Saxa Respublikasi (Yoqutiston) rahbarining 2019-yil 27-martdagi 442-sonli Farmoni bilan 2019-yilda Saxa Respublikasi (Yoqutiston) hududida faoliyat yurutuvchi xo‘jalik subyektlariga patent asosida mehnat faoliyati olib boruvchi xorijiy fuqarolarni 33 xil iqtisodiy faoliyatga jalb etish ta’qiqlandi (ro‘yxat ilova qilinadi).