2019-yilning 13-mart kuni O‘zbekiston Respublikasi Tashqi ishlar vaziri o‘rinbosari Dilshod Axatov va O‘zbekiston Prezidentining Afg‘oniston bo‘yicha Maxsus vakili Ismatulla Irgashev Eron Islom Respublikasi Tashqi ishlar vaziri yordamchisi, Yevrosiyo Bosh boshqarmasi boshlig‘i G‘ulomrezo Boqeriy bilan uchrashdi.
2019-yilning 14-22-mart kunlari O‘zbekiston Respublikasi Vazirlar Mahkamasi huzuridagi Narkotik moddalarni nazorat qilish milliy axborot-tahlil markazi, Davlat xavfsizlik xizmati va Ichki ishlar vazirligi vakillaridan iborat delegatsiya BMT Narkotiklar va jinoyatchilik bo‘yicha boshqarmasi (BMT NJB) Narkotik moddalari bo‘yicha komissiyasining Vena shahrida bo‘lib o‘tadigan 62-yillik sessiyasida ishtirok etadi.
2019-yilning 14-mart kuni O‘zbekiston Respublikasi Tashqi ishlar vazirining birinchi o‘rinbosari Ilhom Ne’matov Toshkent xalqaro aeroportida tranzit bilan bo‘lib turgan Qozog‘iston Respublikasi Bosh vaziri o‘rinbosari Jenis Qasimbek boshchiligidagi delegatsiya bilan uchrashdi.
2019-yil 14-mart kuni O‘zbekiston Respublikasi Tashqi ishlar vaziri Abdulaziz Kamilov mamlakatimizda o‘z diplomatik missiyasini yakunlayotgan Afg‘oniston Islom Respublikasining Favqulodda va Muxtor Elchisi Sayid Shahobuddin Timuriyni qabul qildi.
2019-yil 14-mart kuni O‘zbekiston Respublikasi Tashqi ishlar vaziri Abdulaziz Kamilov Mo‘g‘uliston Favqulodda va Muxtor Elchisi etib tayinlangan Luvsan Battulguni (qarorgohi Ostona shahrida) qabul qildi.
2019-yilning 13-mart kuni O‘zbekiston Respublikasi Tashqi ishlar vaziri Abdulaziz Kamilov Indoneziya Respublikasining Favqulodda va Muxtor Elchisi etib tayinlangan Sunario Kartadinatuni qabul qildi.
Bugun Oʻzbekiston Respublikasi Prezidenti Shavkat Mirziyoyev Rim-katolik cherkovi rahbari Fransiskni Vatikan milliy bayrami – uning Muqaddas taxtga oʻtirgan kuni munosabati bilan tabrikladi.
2019-yilning 12-mart kuni O‘zbekiston Respublikasi Tashqi ishlar vaziri Abdulaziz Kamilov O‘zbekiston va Birlashgan Arab Amirliklari o‘rtasidagi Savdo-iqtisodiy va texnik hamkorlik bo‘yicha hukumatlararo komissiya yig‘ilishida ishtirok etish uchun rasmiy delegatsiya tarkibida Toshkent shahriga kelgan BAA Tashqi ishlar va xalqaro hamkorlik vaziri o‘rinbosari Sulton Muhammad ash-Shamisiyni qabul qildi.
