Ўзбекистон Республикаси Президентлигига номзодлар ва уларнинг сайловолди дастурининг асосий йўналишлари билан танишиб чиқинг
Янгиликлар
ТОШКЕНТ, 23 октябрь. /«Дунё» АА/. Европа Энергетика хартияси Бош котиби, халқаро кузатувчи Урбан Руснак «Дунё» АА мухбирига берган қисқа интервьюсида Ўзбекистон Президенти сайловини ўтказиш бўйича амалга оширилган ишлар ҳақида тўхталди.
- Бугун тонгда Тошкентга етиб келдим. 2016 йилги Президент сайловида ҳам кузатувчи сифатида қатнашганман. Зотан, бугун сайлов кампанияси ўз вақтида ўтказилаётганини, тадбирларни ўтказиш тартибига риоя қилинганини айтишим мумкин.
Сайлов эртага бўлиб ўтади. Биламизки, юртингизда сайлов ҳар доим кўтаринки ва байрамона руҳда уюштирилади. Умид қиламанки, уларнинг натижаларини эртага кўрамиз.
Президент сайлови мамлакатингиз учун жуда муҳим палла, деб ўйлайман. Жорий сайлов кенг кўламли ислоҳотлар ва ўзгаришлар, жадал ривожланиш жараёни фонида бўлиб ўтаяпти. Шу боис мазкур сайлов натижалари келажак учун жуда муҳим, деб ўйлайман.
Ўзбекистон фуқаролари овоз беришда фаол иштирок этишига ишонаман.
