Ўзбекистон Республикаси Президентлигига номзодлар ва уларнинг сайловолди дастурининг асосий йўналишлари билан танишиб чиқинг
Янгиликлар
ТОШКЕНТ, 25 октябрь. /«Дунё» АА/. Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюроси Ўзбекистон Президенти сайлови ҳақида бугун эълон қилган дастлабки ҳисоботида давлатимиз раҳбарлиги учун кечган сайловда халқаро кузатувчилар иштироки юқори бўлганини таъкидлади, деб хабар бермоқда «Дунё» АА мухбири
Бюро ҳисоботига кўра, Ўзбекистонда бўлиб ўтган сайловда халқаро кузатувчилар кенг иштирок этди. Бу Ўзбекистон раҳбариятининг очиқ, адолатли, демократик сайловлар ўтказиш тарафдори эканини яна бир бор тасдиқлайди.
Шу боис 47 та хорижий давлат, 21 та халқаро ташкилот ва бошқа турли институтларга сайловни кузатиш учун таклифномалар юборилган эди.
Дунёнинг 27 мамлакатидан 98 нафар депутат-кузатувчидан иборат ЕХҲТ Парламент ассамблеяси делегацияси, ЕХҲТ ПА Президенти Маргарета Седерфельт ва Бош котиби Роберто Монтелланинг илк маротаба Ўзбекистон Республикаси Президенти сайловида қатнашаётгани бўлиб ўтган сайловнинг ўзига хос жиҳати бўлди. Шу билан бирга, ЕХҲТ Д??ҲБ директори Маттео Мекаччи ҳам илк маротаба Президент сайловини кузатишда иштирок этди.
Умуман олганда, ЕХҲТ томонидан ушбу ташкилотга аъзо бўлган 34 мамлакатнинг 350 нафардан ортиқ кузатувчи қатнашди. Экспертларнинг фикрича, Ўзбекистон Республикаси Президенти сайловида ЕХҲТ делегациясининг илк маротаба қатнашиши ташкилот томонидан мамлакатимизда амалга оширилаётган демократик ислоҳотларнинг эътироф этилиши ва қўллаб-қувватлашидан далолатдир.
Шу билан бирга, ШҲТ Бош котиби ўринбосари Ерик Ашимов бошчилигида 26 нафар ШҲТ миссияси кузатувчиси ҳам юртимизга ташриф буюрди. Улар ШҲТга аъзо давлатларнинг қонунчилик, сайлов органлари вакиллари, дипломатлари, ШҲТ Котибияти ва ШҲТ Минтақавий аксилтеррор тузилмаси ?жроия қўмитасининг мансабдор шахсларидир.
МДҲ мамлакатларидан ҳам кўп сонли кузатувчилар сайлов жараёнини кузатди. Ҳамдўстликнинг 7 мамлакатидан 162 нафар кузатувчи сайловда қатнашиш учун аккредитациядан ўтди. МДҲ ?жроия қўмитаси раиси Сергей Лебедев қайд этганидек, «Миссия доимий равишда кузатувчи сифатида ташриф буюради. Биз Ўзбекистон Республикаси сайлов кодекси билан яхши танишиб чиқдик. Шуни таъкидлашни истардимки, бутун МДҲ, хусусан, Ўзбекистон сайлов қонунчилиги такомиллашиб бормоқда».
Туркий тилли давлатлар Парламент ассамблеяси Ўзбекистондаги сайловларда иккинчи маротаба кузатувчи сифатида иштирок этмоқда. Ассамблея вакиллари илк маротаба 2019 йилда бўлиб ўтган парламент сайловларида қатнашган эди.
МСК раиси Зайниддин Низамходжаевнинг баёнотига кўра, сайлов жараёнини 971 нафар халқаро кузатучи кузатди. Хусусан, 20 дан зиёд халқаро ташкилотдан 631 нафар кузатувчи ва 50 давлатдан 340 нафар кузатувчи шулар жумласидандир.
Эслатиб ўтамиз, МСКнинг таклифига биноан, ЕХҲТ Д??ҲБ, ЕХҲТ Парламент ассамблеяси ва Европа парламентининг қўшма миссияси илк маротаба юртимиздаги Президент сайловини кузатмоқда.
?рландиялик дипломат Оуэн Мёрфи бошчилигидаги ЕХҲТ Д??ҲБ кузатувчилари жорий йил 15 сентябридан буён сайловни кузатмоқда. Миссия 17 нафар кишидан иборат асосий гуруҳ, 28 нафар узоқ муддатли кузатувчи ҳамда ЕХҲТга аъзо 26 мамлакатдан ташриф буюрган 207 нафар қисқа муддатли кузатувчи сайлов куни овоз бериш жараёнини кузатди. Шу билан бирга, Президент сайловини кузатиш учун ЕХҲТ Д??ҲБ раҳбарияти, хусусан, бюро директори Маттео Мекаччи ҳам келди.
Бундан ташқари, 27 мамлакатдан 98 нафарга яқин депутат-кузатувчидан иборат ЕХҲТ Парламент ассамблеяси делегацияси ва ЕХҲТ ПА Президенти Маргарета Седерфельт ва Бош котиби Роберто Монтелла ҳам илк маротаба Ўзбекистон Президенти сайловини кузатиш учун мамлакатимизга ташриф буюрди.
Шу билан бирга, 12 нафар депутатдан иборат Европа парламенти кузатувчилари ҳам ЕХҲТ Д??ҲБ миссиясига қўшилди. Ўзбекистонда бўлиб ўтган сайловларни кузатиш учун 44 мамлакатдан жами 365 та кузатувчи келди.
Экспертларнинг фикрича, Ўзбекистон Президенти сайловида ЕХҲТ делегациясининг тўлиқ таркибда илк маротаба қатнашиши Ташкилот томонидан мамлакатимизда амалга оширилаётган демократик ислоҳотларнинг эътироф этилиши ва қўллаб-қувватлашидан далолатдир.
