ТОШКЕНТ, 21 март. /«Дунё» АА/. Бирлашган Миллатлар Ташкилотининг болалар жамғармасининг (ЮН?СЕФ) ваколатхонаси раҳбари Мунир Маммадзаде «Дунё» АА мухбирига берган интервьюсида Президент Шавкат Мирзиёевнинг Наврўз байрамига бағишланган тантанали тадбирдаги нутқи ҳақида ўз фиркларини билдирди:
- Бугунги Наврўз байрамидан, ажойиб концерт дастуридан катта таассуротлар билан қайтаяпман. Сўнгги икки йилда коронавирус пандемияси туфайли биз Наврўзни бу қадар кенг нишонламаган эдик. Ва ниҳоят, бундай кенгайтирилган форматдаги тантанани ўтказиш имконияти яратилди. Бу кўп жиҳатдан Ўзбекистонда коронавирус тарқалишининг олдини олиш бўйича энг қатъий чоралар кўрилганлиги билан боғлиқ.
Ўзбекистон Президентининг қутлов нутқи БМТ болалар жамғармаси раҳбари сифатида менга алоҳида таъсир қилди. Маърузада таълим, соғлиқни сақлаш ва ёшларга алоҳида эътибор қаратилди. Президентнинг янги авлод олға интилиши, ўзбек халқининг буюк аждодларидан ўрнак олиши кераклиги ҳақидаги сўзлари диққатга моликдир.
Президент нутқида инсон капиталига, шу жумладан маҳалла даражасида, болалар инсонпарварлик қадриятлари асосида тарбияланадиган ноёб жамоага инвестициялар ҳақида сўз юритилди. Бу бизнинг мандатимиз билан бевосита боғлиқ бўлган асосий омиллар ҳисобланади.
Ўзбекистон Президентининг бу ташаббусларини қўллаб-қувватлаш ва олға интилиш учун қўлдан келган барча ишни қиламиз.
