ТОШКЕНТ, 1 август. /«Дунё» АА/. Жорий йил январь-июнь ойлари мобайнида Ўзбекистонда савдо хизматларини кўрсатиш ҳажми 40,2 триллион сўмни ташкил этди, деб хабар бермоқда «Дунё» АА мухбири.
Давлат Статистика қўмитаси маълумотларида қайд этилишича, ўтган йилнинг шу даври билан таққослаганда, савдо хизматларини кўрсатиш ҳажми 8,1 фоизга кўпайган.
Ҳудудлар кесимида ўсишнинг юқори суръатлари Наманган (117,1%), Бухоро (116,7%) ва Жиззах (112,7%) вилоятларида, нисбатан паст кўрсаткичлар эса Фарғона (100,2%), Қорақалпоғистон Республикаси (103,1%) ва Сирдарё (103,5%) вилоятларида қайд этилган.