ПЕК?Н, 16 июль. /«Дунё» АА/. Хитойда чоп этиладиган «Дазжун Жибао» газетасида Ўзбекистоннинг ушбу мамлакатдаги элчиси Б.Саидовнинг «Ўзбекистон – Хитой: тажриба, ҳамкорлик ва икки томонлама савдо-иқтисодий муносабатлар ривожланиши истиқболлари» сарлавҳали мақоласи хитой тилида нашр этилди, деб хабар бермоқда “Дунё” АА мухбири.
Мақолада сўнгги уч йилда Ўзбекистонда давлатимиз раҳбари томонидан олиб борилаётган фаол, очиқ ва прагматик ташқи сиёсат, унинг негизида ўзаро ҳурмат ва манфаатларни ҳисобга олиш тамойили устувор экани қайд этилади.
Шунингдек, материалда мамлакатимизнинг Хитой билан сиёсий, савдо-иқтисодий, маданий-гуманитар ҳамда минтақалараро алоқалар соҳаларидаги ўзаро ҳамкорлиги янги мазмун касб этгани ҳақида атрофлича маълумот ва фикр-мулоҳазалар келтирилади.
Ўзбекистон дипломатик ваколатхонаси раҳбари мақоласи «Дазжун Жибао» газетасининг интернет тармоғидаги веб-саҳифасида ҳамда Хитойнинг «?зилу» ахборот портали саҳифаларида ҳам эълон қилинди.
Мақоланинг тўлиқ матни билан қуйидаги ҳаволалар орқали танишиш мумкин:
http://sd.iqilu.com/share/article/6958461.html?from=singlemessage&isappinstalled=0
http://paper.dzwww.com/dzrb/content/20200714/Page02NU.htm?from=singlemessage&isappinstalled=0
http://dzrb.dzng.com/paper/paperShare/id/727293?from=singlemessage&isappinstalled=0
