ТОШКЕНТ, 4 февраль. /«Дунё» АА/. «Ўзбеккино» Миллий агентлиги буюртмасига биноан "Шайхонтоҳур-фильм" киностудияси томонидан “Аёл қалби” бадиий фильми яратилади, деб хабар бермоқда «Дунё» АА мухбири агентлик маълумотига таяниб.
Сценарий муаллифлари Жамилахон Пўлатова ва Зулфия Йўлдошева, постановкачи режиссёр Жамилахон Пўлатова, постановкачи оператор Равшан Мусаев, постановкачи рассом Алишер Умрзоқов.
Мазкур кинокартина тиббиёт соҳасида самарали фаолият олиб бораётган, беморларнинг дардига дармон бўлаётган шифокор аёл тақдири ҳақида ҳикоя қилади. Тасвирга олиш жараёнлари Бухоро ва Тошкентда бўлиб ўтиши белгиланган.
