Р?М, 3 август. /«Дунё» АА/. ?талиянинг энг оммабоп «RAI» миллий телерадиокомпанияси таркибига кирувчи «RAI Play» телеканалининг «Kilimangiaro» теледастури томонидан Самарқанд шаҳрининг сайёҳлик салоҳиятига бағишланган репортаж намойиш этилди, деб хабар бермоқда “Дунё” АА мухбири.
?талиялик тележурналист Марио Тоцци томoнидан тайёрланган ушбу телематериал бошловчи Камила Разнович томонидан телетомошабинлар эътиборига ҳавола қилинди.
Унда машҳур Самарқанд жуда олис ўтмиш цивилизациялари меросини ўзида акс эттириши алоҳида таъкидланди. Афсоналар ва шоирларнинг эртаклари шукуҳи, карвонларнинг руҳи унинг бозориларда яққол сезилади. Бу шаҳарда сайр қилган киши ўзини худди 700 йил олдинги ўтмишга тушиб қолгандек ҳис қилади.
«Бугун бу шаҳарда Марко Полонинг Марказий Осиёга қилган саёҳатларидан кейин жаҳонни қойил қолдирган улуғворликни ҳис қилиш мумкин. Бу улуғворлик, энг аввало, ушбу шаҳарни ўзининг улкан салтанати пойтахтига айлантирган Амир Темурнинг жасорати самарасидир», дея таъкидлайди бошловчи.
Шунингдек, репортажда Самарқанднинг тарихий дурдоналари – Регистон майдони, Шохи Зинда ёдгорлик мажмуаси, Бибихоним масжиди ва бошқа тарихий ёдгорликлар ҳақидаги батафсил маълумотларни тасвирлашга ҳам эътибор қаратилади.
Эслатиб ўтамиз: «RAI» телерадиокомпанияси 1924 йилда ташкил этилган бўлиб, мамлакатдаги энг катта аудиторияга эга. Компания таркибига 27 та телеканал ва 14 радиостанция киради. Компаниянинг Римда 5 та ваколатхонаси, шунингдек, ?талиянинг барча минтақаларида кўплаб офислари мавжуд.
