ТОШКЕНТ, 8 май. /«Дунё» АА/. Ўзбекистонда 2022 йилнинг январь - март ойлари мобайнида 68 905 та енгил автомобил ишлаб чиқарилди, деб хабар бермоқда “Дунё” АА мухбири.
Давлат статистика қўмитаси маълумотларида қайд этилишича, енгил автомобиллар ишлаб чиқариш ҳажми 2021 йилнинг шу давридагига нисбатан 24451 тага ошган.
2022 йилнинг январь-март ойларида Ўзбекистон Озарбайжон, Тожикистон, Корея ва Ливанга 58 дона енгил автомобил экспорт қилган. Бу кўрсаткич 2021 йилнинг мос даври билан солиштирилганда 8763 тага камайган.
2022 йилнинг январь-март ойларида Ўзбекистон 21 та хорижий мамлакатдан қиймати 189,3 млн. АҚШ долларига тенг бўлган 8 508 та енгил автомобиль импорт қилган. Енгил автомобиллар импорти 2021 йилнинг мос даври билан солиштирилганда 5 361 тага ёки 2,7 баробарга ошган.Ўзбекистонга 3 ойда 455 та электромобил импорт қилинган.
