ТОШКЕНТ, 9 март. /“Дунё” АА/. Чэт эл фуқаролари Ўзбекистонда маҳсулот сотиб олганда, уларга қўшилган қиймат солиғи (ҚҚС)нинг қайтарилиши режалаштирилмоқда. Бу ҳақда норматив-ҳуқуқий ҳужжатлар лойиҳалари муҳокамаси веб-порталида эълон қилинган Ўзбекистон ҳукуматининг тегишли қарори лойиҳасида қайд этилган, деб хабар бермоқда “Дунё” АА мухбири.
ҚҚСни қайтариш тизими 2020 йил 1 июлдан жорий этилиши мумкин. Шунингдек, ҳужжатга кўра, ҚҚСнинг ягона электрон маълумотлар базасини яратиш кўзда тутилган. Бундан ташқари, чет эллик харидорларга Ўзбекистондан чиқиб кетишлари чоғида ҚҚС қайтарилгани ҳақида махсус чеклар берилади.