ТОШКЕНТ, 15 февраль. /«Дунё» АА/. Ўзбекистон ва Россия нинг "Қуёш лаззати" деб номланган қўшма лойиҳасини тасвирга олиш учун тайёргарлик жараёнлари бошланиш арафасида, деб хабар бермоқда “Дунё” АА мухбири “Ўзбеккино” МА маълумотига таяниб.
Яқин кунларда «Спутник Восток Продакшн» компанияси ижодий гуруҳининг Ўзбекистонга ташрифи кутилмоқда. "Қуёш лаззати" фильми оилавий саргузашт фантазия жанрида суратга олинади.
“Фильм "Қуёш лаззати" деб номланган бўлиб, у айнан ўзбек қуёшининг сеҳрини намоён этади”, - дейди фильм продюсери Александр Кессел.
Таъкидлаш жоизки, айни кунларда Россияда кастинг давом этмоқда. Кастингда Дмитрий Нагиев, Николай Фоменко, Алексей Горбунов, Никита Манец, Александр Михайлов, Ольга Сутулова, Евгений Циганов, Елена Лядова, Павел Деревянко, Виктория ?сакова иштирок этмоқда.
Эслатиб ўтамиз, "Ўзбеккино" Миллий агентлиги 2020 йил октябрь ойида Россиянинг «Спутник Восток Продакшн» кинокомпанияси билан "Қуёш лаззати" фильмини суратга олиш бўйича меморандум имзолаган эди.
