ТОШКEНТ, 3 июнь. /"Дунё" АА/. Бугун Ўзбекистон Республикаси Ташқи ишлар вазирининг ўринбосари Шерзод Асадов ва Латвия Республикасининг мамлакатимиздаги элчиси Михаилс Попковс видеоконференция шаклида музокара ўтказди, деб хабар бермоқда “Дунё” АА мухбири.
Ташқи ишлар вазирлиги веб-сайтига кўра, томонлар суҳбат доирасида Ўзбекистон-Латвия ҳамкорлиги кун тартибидаги масалалар, жумладан, сиёсий, савдо-иқтисодий, сармоявий, транспорт-коммуникация, маданий-гуманитар ва бошқа соҳалардаги алоқаларни ривожлантириш истиқболларини муҳокама қилди.
Таъкидланишича, "Ўзбекистон - Европа ?ттифоқи" форматидаги ҳамкорликнинг амалий жиҳатлари, шунингдек, COVID-19 коронавируси ва унинг тарқалиш оқибатларига қарши курашишдаги ҳамкорликка алоҳида эътибор қаратилди.