ТОШКЕНТ, 24 февраль. /«Дунё» АА/. Ўзбекистон ташқи ишлар вазири Абдулазиз Комилов 25 февраль куни амалий ташриф билан Ҳиндистонга боради, деб хабар бермоқда «Дунё» АА мухбири.
Ташқи ишлар вазирлиги маълум қилишича, учрашувлар ва музокаралар чоғида Ўзбекистон-Ҳиндистон муносабатларининг сиёсий, савдо-иқтисодий, инвестициявий, транспорт-логистика ва бошқа соҳалардаги ҳолати ва янада мустаҳкамлаш истиқболларини муҳокама қилиш режалаштирилган.
Турли даражадаги бўлажак учрашувлар, қўшма тадбирларни ўтказиш муддатлари бўйича фикр алмашилади.
Ўзбекистон Ташқи ишлар вазири 23 февраль куни амалий ташриф билан Афғонистонда бўлиб, мазкур мамлакат Президенти Ашраф Ғани ва ташқи ишлар вазири Ҳаниф Атмар билан музокаралар ўтказди.