ТEЛЬ-АВ?В, 5 ноябрь. /«Дунё» АА/. Ўзбекистон Республикасининг янги тайинланган Фавқулодда ва мухтор элчиси Феруза Маҳмудова кеча ?сроил давлати Президенти Реувен Ривлинга ишонч ёрлиғини топширди, деб хабар бермоқда «Дунё» АА мухбири.
Тантанали маросимдан сўнг бўлиб ўтган суҳбат чоғида ?сроил раҳбари икки мамлакат халқлари ўртасидаги муносабатлар 2 минг йилликдан зиёд тарихга эгалигини қайд этди, Бухоро яҳудийларининг ?сроил давлати шаклланиши ва ривож топишига қўшган салмоқли ҳиссасига алоҳида эътибор қаратди.
Ўзбекистон турли динлар, маданиятлар ва миллатлар вакилларининг тинч-тотув яшашининг ёрқин намунаси эканлиги таъкидланди. “Республиканинг ушбу муваффақиятли тажрибаси дунёнинг кўплаб мамлакатлари томонидан ўрганишга лойиқдир”, - деди ?сроил Президенти.
?сроил раҳбари ?ккинчи жаҳон уруши пайтида ўн минглаб яҳудий қочоқларни қабул қилган ўзбек халқининг бағрикенглигини алоҳида эътироф этди. Унинг сўзларига кўра, ?сроил халқи Ўзбекистондан чуқур миннатдор ва бу тарихий ҳақиқатни ҳеч қачон унутмайди.
Шу куни ?сроилнинг етакчи интернет-ресурсларида хорижий элчилар томонидан Президент Реувен Ривлинга ишонч ёрлиқларини топшириш маросими бўлиб ўтгани тўғрисида материаллар чоп этилди. Улар Феруза Маҳмудова Ўзбекистон ташқи сиёсат хизматидаги биринчи аёл элчи эканини алоҳида таъкидлади.
Эслатиб ўтамиз, 16 октябрь куни ?сроилнинг янги элчиси Зехавит Бен Хиллел Ўзбекистон Президентига ишонч ёрлиғини топширган эди.
