Р?ГА, 3 май. /«Дунё» АА/. Бугун, COVID-19 пандемияси туфайли юзага келган бир йилдан ортиқ танаффусдан сўнг, «Uzbekistan Airways» АЖнинг «Тошкент-Рига-Тошкент» йўналиши бўйича мунтазам парвозлари қайта тикланди, деб хабар бермоқда «Дунё» АА мухбири.
Эслатиб ўтамиз, коронавирус инфекциясининг глобал тарқалиши сабабли мунтазам рейслар 2020 йил март ойида вақтинча тўхтатилган эди.
Ўзбекистон элчихонаси маълумотига кўра, тикланган парвоз А-320 NEO лайнерида амалга оширилган.
«Uzbekistan Airways» авиакомпанияси вакиллари май ойида парвозлар душанба кунлари амалга оширилишини ва пандемия билан боғлиқ вазият яхшилангани сари жума кунлари ҳам йўлга қўйилишини таъкидлади.
Ўзбекистон авиакомпанияси учун Рига Осиёни Европа билан боғлайдиган асосий нуқтадир.
