ТОШКЕНТ, 14 сентябрь. /«Дунё» АА/. Туркманистон Вазирлар маҳкамаси раисининг ўринбосари, савдо-иқтисодий, илмий-техникавий ва маданий ҳамкорлик бўйича ҳукуматлараро комиссия ҳамраиси Эсемират Оразгелдиев бошчилигидаги делегация бугун Тошкентдаги «Texnopark» МЧЖда бўлди, деб хабар бермоқда «Дунё» АА мухбири.
Ўзбекистон инвестициялар ва ташқи савдо вазирлиги Телеграм-каналида маълум қилинишича, Туркманистон делегацияси дастлаб «Made in Uzbekistan» миллий маҳсулотлар кўргазмаси билан танишди.
Меҳмонлар Савдо-иқтисодий, илмий-техникавий ва маданий ҳамкорлик бўйича ҳукуматлараро комиссиянинг 16-йиғилишида иштирок этиш учун мамлакатимизда бўлиб турибди.
Эслатиб ўтамиз, аввал «Texnopark» МЧЖга Қозоғистон, Татаристон (Россия), Украинанинг ҳукумат ва ишбилармон доиралари вакиллари ташриф буюрган эди.