ТОШКЕН, 25 февраль. /«Дунё» АА/. Норвегиянинг Лиллехаммер шаҳрида 1994 йил ўтган XVII қишки Олимпия ўйинларида мустақил Ўзбекистон Республикаси ўз тарихида илк Олимпия ўйинлари олтин медалига сазовор бўлган, деб хабар бермоқда «Дунё» АА мухбири.
Мустақил Ўзбекистон тарихидаги илк олтин медаль Лина Черязова томонидан қўлга киритилган.
Бундан роппа-роса 26 йил муқаддам мамлакатимиз бўйлаб мазкур ғалаба катта шодиёна билан нишонланган эди. Афсонавий атлетимиз Лина Черязованинг ушбу олтин медали биз учун қишки Олимпия ўйинларида ягоналигича қолмоқда.
Маълумот учун, биргина ушбу натижа Лиллехаммер Олимпиадасида делегациямизнинг Франция, Финляндия, Хитой, Буюк Британия, Нидерландия каби қишки спорт турларида етакчи ҳисобланмиш давлатлардан умумжамоа ҳисобида юқори ўринда туришимизни таъминлаган эди.
