ТОШКЕНТ, 5 февраль, /«Дунё» АА/. Шу йилнинг 26 февраль – 8 март кунлари Туркманистонда футзал бўйича Осиё чемпионатининг финал босқичи ўтказилиши режалаштирилган эди, деб хабар бермоқда “Дунё” АА мухбири Ўзбекистон футбол ассоциацияси манбасига асосланиб.
Осиё футбол конфедерацияси коронавирус туфайли юзага келган вазиятни инобатга олган ҳолда, қитъа биринчилигини бошқа муддатга қолдирди. Мусобақа ўтказиладиган сана кейинроқ маълум қилинади, дейилади хабарда.
Қайд этиш жоиз, футзал бўйича Ўзбекистон миллий терма жамоаси Туркманистонда ўтказиладиган Осиё чемпионатига қатнашиш ҳуқуқини қўлга киритган.