БРЮССЕЛЬ, 10 февраль. /«Дунё» АА/. Брюсселда Ўзбекистон Республикасининг Бельгиядаги элчихонаси томонидан буюк давлат арбоби ва шоир Aлишер Навоий таваллудининг 579 йиллиги муносабати билан ўзбекистонлик ватандошлар ўртасида мини-футбол мусобақаси ўтказилди, деб хабар бермоқда «Дунё» АА мухбири.
Тадбирда халқаро ташкилотлар, компаниялар, ўқув ва илмий-тадқиқот муассасаларида ишлайдиган ватандошларимиз, шунингдек, Бенилюкс давлатлари университетларида таҳсил олаётган талабалар иштирок этди.
Турнир якунида бундай мусобақаларни апрель ойида Роттердам (Нидерландия), Aнтверпен (Бельгия) ва Aрхус (Дания)да ташкил этишга келишиб олинди.