ТОШКЕНТ, 26 январь. /“Дунё” АА/. Президентимиз Шавкат Мирзиёевнинг Олий Мажлисга Мурожаатномаси мамлакатимиз тараққиётининг аниқ мақсад ва йўналишларини акс эттиради. Давлат ва жамият ҳаётини ислоҳ қилиш, бошланган ислоҳотларни изчил давом эттириш стратегияси сифатида баҳоланаётган ушбу Мурожаатномага хорижий мамлакатлар сиёсий доира вакиллари ҳам алоҳида эътибор қаратмоқда.
Япониянинг мамлакатимиздаги Фавқулодда ва мухтор элчиси Ёшинори ФУЖ?ЯМА “Дунё” мухбири билан суҳбатда қуйидагиларни қайд этди:
– Президентнинг парламентга Мурожаатномаси Ўзбекистон олдида турган вазифалар, ҳал этилиши керак бўлган масалаларни аниқ белгилаб берди. Хусусан, Президент Шавкат Мирзиёев коррупцияга қарши курашнинг сиёсий ечимини кўрсатиб ўтди. Бу, аввало, коррупцияга қарши курашишга масъул бўладиган алоҳида орган ташкил этиш борасидаги таклифда намоён бўлди.
Поёнига етган 2019 йилда Ўзбекистон – Япония муносабатларида янги саҳифа очилди. Президент Шавкат Мирзиёевнинг Японияга олий даражадаги ташрифи тарихий аҳамият касб этди. Ташриф доирасида икки мамлакат ўртасида ҳамкорликка оид қатор ҳужжатлар имзоланди. Бугунги кунда 60 дан ортиқ ана шундай битимни амалга татбиқ этиш бўйича ишлар бошлаб юборилган.
?кки томонлама муносабатларнинг жорий босқичида нафақат бизнес, балки спорт, маданият, туризм каби соҳаларда ҳам ҳамкорликни ривожлантиришга устувор аҳамият қаратилмоқда.
Буни бир сўз билан айтганда, Мурожаатномада ўз ифодасини топган соҳаларда ҳамкорликни мустаҳкамлаш Ўзбекистон – Япония муносабатларининг ажралмас қисмидир.
Япония икки томонлама дўстона алоқаларни қўллаб-қувватлашга доим тайёр.
