ХЎЖАНД, 22 май. /«Дунё» АА/. Бугун Хўжанд шаҳрида (Тожикистон) Ўзбекистон-Тожикистон демаркация қўшма комиссияси таркибидаги икки мамлакат ҳукумат делегациялари ишчи гуруҳларининг навбатдаги учрашуви якунланди, деб хабар бермоқда «Дунё» АА мухбири.
17-22 май кунлари томонлар Ўзбекистон-Тожикистон давлат чегараси бўйича демаркация ишларини муҳокама қилди, демаркация чизиғи лойиҳаси ва Ўзбекистон-Тожикистон давлат чегараси бўйлаб чегара белгиларини ўрнатиш юзасидан фикр алмашди.
Томонлар Ўзбекистон-Тожикистон давлат чегарасида дала демаркация ишларини давом эттиришга келишиб олди.
Учрашув дўстлик ва ўзаро англашув муҳитида ўтди.
Тадбир якунида Протокол имзоланди.