АБУ-ДАБ?, 28 июль. /“Дунё” АА/. Мамлакатимизнинг Бирлашган Араб Амирликларидаги (БАА) элчиси Абдулазиз Аққулов БАА Федерал миллий кенгаши Бош котибининг парламентлараро алоқалар бўйича ўринбосари Афра Рашид Ал Басти билан учрашди, деб хабар бермоқда “Дунё” АА мухбири.
Учрашувда 2022 йил август ойида Ўзбекистонда конституциявий ислоҳотлар тарғиботи бўйича кутилаётган делегация учрашувини ташкил этиш, ташриф давомида уюштириладиган брифингда Кенгаш вакилларининг эксперт сифатидаги иштироки билан боғлиқ масалалар муҳокама қилинди.
Бундан ташқари, БАА Ташқи ишлар ва халқаро ҳамкорлик вазирлигида Ғарбий Осиё департаменти директори ўринбосари Абдулазиз Али Алнеяди билан ҳам учрашув бўлиб ўтди. Унда элчихона ва вазирликнинг турли департаментлари ўртасида ахборот алмашувини самарали йўлга қўйиш, жумладан, юқорида қайд этилган делегациянинг сафари билан боғлиқ ташкилий масалалар муҳокама қилинди.
