ТОШКЕНТ, 8 июль. /“Дунё” АА/. Ўзбекистон Республикаси Ташқи ишлар вазири ўринбосари ?лҳом Неъматов бугун, 8 июль куни Украинанинг мамлакатимиздаги Фавқулодда ва мухтор элчиси Николай Дорошенко билан учрашди, деб хабар бермоқда “Дунё” АА мухбири.
Ташқи ишлар вазирлиги Ахборот хизмати манбасида келтирилишча, суҳбат чоғида икки ва кўп томонлама Ўзбекистон – Украина ҳамкорлигининг долзарб масалалари муҳокама қилинди.
Мулоқотда жорий йилнинг иккинчи ярмида Ўзбекистон - Украина кун тартиби, жумладан, турли даражадаги учрашув ва қўшма тадбирлар жадвали юзасидан фикр алмашилди.
Учрашувда икки томонлама муносабатларни янада мустаҳкамлаш, савдо-иқтисодий, инвестиция, маданий-гуманитар ва бошқа соҳалардаги ҳамкорликни кенгайтириш бўйича аниқ таклифлар кўриб чиқилди.
Украинанинг мамлакатимиздаги элчиси этиб тайинланган Николай Дорошенко 1 июль куни Ташқи ишлар вазирига ишонч ёрлиғи нусхасини топширган эди.
