Президентимиз Шавкат Мирзиёевнинг Олий Мaжлисга Мурожаатномасидаги устувор тамойиллар БМТ расмий ҳужжати сифатида эълон қилинди

24.03.2020 20:28

ТОШКЕНТ, 24 март. /“Дунё” АА/. Ўзбекистон Республикаси Президенти Шавкат Мирзиёевнинг Олий Мажлисга Мурожаатномасининг устувор тамойиллари БМТ Бош Ассамблеяси 74-сессиясининг "Ўзбекистон ҳукумати томонидан Барқарор ривожланиш мақсадларини изчил амалга ошириш чора-тадбирлари тўғрисида" деб номланган расмий ҳужжати сифатида тарқатилди. Ҳужжат БМТнинг барча расмий тилларига (рус, инглиз, араб, хитой, француз ва испан) таржима қилиниб, ташкилотга аъзо давлатларга тарқатилди ва БМТнинг расмий ҳужжатлар тизимига жойлаштирилди. Бу ҳақда “Дунё” АА мухбири Ташқи ишлар вазирлигининг Матбуот хизматига таяниб хабар бермоқда.

Ҳужжатда мамлакатнинг иқтисодий ўсиши ва ижтимоий ривожланишининг асосий кўрсаткичлари, аҳоли фаровонлигини ошириш ва Барқарор ривожланиш мақсадларига эришиш бўйича олиб борилаётган туб ислоҳотлар акс эттирилган. Хусусан, унда қонун устуворлиги, коррупцияга қарши самарали курашиш, институционал салоҳиятни ошириш ва кучли демократик институтларни шакллантириш давлат сиёсатининг 2020 йилдаги устувор йўналишлари бўлиб қолиши таъкидланган.

Ҳужжатда Ўзбекистон атроф-муҳитни муҳофаза қилиш ва мамлакатдаги экологик вазиятни яхшилашга алоҳида эътибор бераётгани қайд этилган. Нукус, Урганч ва Хива шаҳарлари атрофида "яшил белбоғ" – ҳимоя дарахтзорлари яратиш, Орол фожиаси оқибатларини юмшатиш, денгизнинг қуриб қолган тубида ўрмонзорлар барпо этишни кенгайтириш бўйича кенг кўламли ишлар давом эттирилиши айтилган. Шу ўринда, Ўзбекистон ташаббуси билан ташкил этилган БМТ шафелигидаги Оролбўйи минтақаси учун ?нсон хавфсизлиги бўйича кўп томонлама шериклик асосида Траст фонди фаолияти ва ҳукуматнинг Ташкилот доирасидаги ишларни фаоллаштиришга йўналтирилган амалий қадамларига алоҳида эътибор қаратилади.

Шунингдек, 2021-2023 йилларга мўлжалланган БМТнинг ?нсон ҳуқуқлари бўйича кенгашига аъзо бўлиш ва Ёшлар ҳуқуқлари тўғрисидаги халқаро конвенцияни Ташкилот доирасида илгари суриш бўйича Ўзбекистон томонидан олиб борилаётган изчил чоралар алоҳида қайд этилган.

Мурожаатнома устувор тамойилларининг БМТ Бош Aссамблеяси 74-сессияси расмий ҳужжати сифатида эълон қилиниши Ўзбекистон Президенти томонидан олиб борилаётган кенг кўламли ислоҳотларнинг дунё ҳамжамияти томонидан тан олиниши ва қўллаб-қувватланишига яққол далилдир.

Online Maslahat

Ism

E-mail

Maslahat

Useful links

booked.net
booked.net