ТОШКЕНТ, 7 ноябрь. /«Дунё» АА/. Ўзбекистон Президенти этиб сайланган Шавкат Мирзиёевнинг лавозимга киришиши - инаугурация маросимида иштирок этган Покистон элчиси Сайид Али Асад Ғилоний «Дунё» ААга берган интервьюсида Ўзбекистон-Покистон муносабатларининг бугунги ҳолати ва истиқболларига оид фикрлари билан ўртоқлашди.
- Аввало, Ўзбекистон халқини мамлакат тарихидаги ушбу буюк кун -Президент Шавкат Мирзиёевнинг расмий инаугурация маросими билан табриклайман. Биз бу тарихий кунни Ўзбекистон тараққиётида янги давр бошланган сана сифатида баҳолаймиз.
Ўзбекистон-Покистон муносабатларининг истиқболлари ҳақида ҳам жуда ижобий фикрдамиз. Покистон Бош вазири ?мрон Хоннинг жорий йил июль ойида Президент Шавкат Мирзиёевнинг таклифига биноан Ўзбекистонга расмий ташрифи икки томонлама ҳамкорлик ривожида муҳим воқеа бўлди.
Шунингдек, йил давоида икки мамлакат юқори мартабали делегацияларининг бир неча муҳим ўзаро ташрифлари амалга оширилди.
Ўзаро муносабатларимиз янада ривож топавериши ва мустаҳкамланишига ишончимиз комил.
