“Dunyo” AA/. O‘zbekiston tashqi ishlar vazirining birinchi o‘rinbosari Furqat Sidiqov 23 noyabr kuni Fes shahrida (Marokash) bo‘lib o‘tayotgan BMT Tamaddunlar ittifoqining to‘qqizinchi Global forumi doirasida Marokash tashqi ishlar vaziri Naser Burita bilan uchrashdi, deb xabar bermoqda “Dunyo” AA muxbiri.
TIV maʼlumotiga ko‘ra, Naser Burita Fes shahrida bo‘lib o‘tayotgan BMT Tamaddunlar ittifoqi Global forumida ishtirok etgani uchun O‘zbekiston tomoniga minnatdorlik bildirdi.
Uchrashuvda siyosiy, savdo-iqtisodiy, madaniy-gumanitar va turizm sohalarida o‘zaro manfaatli hamkorlikni rivojlantirish istiqbollari muhokama qilindi.
Hozirgi tovar ayirboshlash hajmi ikki davlatning mavjud salohiyatiga mos kelmasligi taʼkidlandi.
Muloqotda tomonlarni qiziqtirgan boshqa masalalar ham ko‘rib chiqildi.