/“Dunyo” AA/. Bugun Prezident Shavkat Mirziyoyev maktab taʼlimini isloh qilishga bag‘ishlangan tadbirlarda ishtirok etadi, deb xabar bermoqda “Dunyo” AA muxbiri davlatimiz rahbari matbuot kotibi Sherzod Asadovning telegram kanali manbasiga tayanib.
Davlatimiz rahbari Xalqaro kongress markazida taʼlim sifatini oshirish va yangi avlod darsliklarini joriy etishga bag‘ishlangan ko‘rgazma-taqdimot bilan tanishib, sohadagi islohotlar yuzasidan murojaat qiladi. Maktab o‘qituvchilari bilan norasmiy muhitda muloqot qiladi.
