ТОШКЕНТ, 24 январь. /“Дунё” АА/. Мамлакатимизда олий таълим муассасалари босқичма-босқич кредит-модуль тизимига ўтади, деб хабар бермоқда “Дунё” АА мухбири. Бу борадаги фикрлар Президент Шавкат Мирзиёевнинг Олий Мажлисга Мурожаатномаси чоғида айтиб ўтилди.
Давлатимиз раҳбари жорий йилда 10 та олий таълим даргоҳи ўзини ўзи молиялаштириш тизимига ўтиши, танлаб олинган 5 та олий таълим муассасаси хорижий етакчи даргоҳлар билан трансформация қилинишини маълум қилди.
Тадбирда, шунингдек, олий ўқув юртларида 3 йиллик таълим тизимини жорий этиш зарурлиги қайд этилди.
