2018-yilning 21-24-noyabr kunlari O‘zbekiston Respublikasi Tashqi ishlar vaziri Abdulaziz Kamilov boshchiligidagi delegatsiya amaliy tashrif bilan Brussel shahrida bo‘ladi.
O‘zbekiston delegatsiyasi “O‘zbekiston – Yevropa Ittifoqi” Hamkorlik kengashining navbatdagi majlisida, “Yevroittifoq – Markaziy Osiyo” mintaqalararo uchrashuvida ishtirok etadi hamda Brussel shahrida YIning tashqi ishlar va xavfsizlik siyosati bo‘yicha Oliy komissari Federika Mogerini, YIga raislik qilayotgan Avstriya Tashqi ishlar vaziri Karin Knyaysel, Belgiya Tashqi ishlar vaziri Didye Reynders va boshqa rasmiy shaxslar bilan ikki tomonlama muzokaralar o‘tkazadi.
