ТОШКЕНТ, 28 июль. /«Дунё» АА/. Бугун Тожикистон пойтахти Душанбе шаҳрида Шанхай ҳамкорлик ташкилотига (ШҲТ) аъзо давлатлар мудофаа вазирларининг навбатдаги йиғилиши бўлиб ўтди, деб хабар бермоқда «Дунё» АА мухбири.
Мудофаа вазирлиги Ахборот ва оммавий коммуникациялар департаменти маълум қилишича, унда Ҳиндистон, Хитой, Қозоғистон, Қирғизистон, Покистон, Россия, Ўзбекистон ва Беларусь мудофаа идоралари раҳбарлари иштирок этди.
Йиғилиш кун тартибига кўра, мудофаа вазирлари ШҲТ доирасида ҳамкорликни мустаҳкамлаш, минтақа ва дунёдаги ҳозирги вазият, хавфсизлик ва барқарорликни таъминлаш ҳамда ШҲТга аъзо мамлакатлар хавфсизлигига оид масалаларни муҳокама қилди.
