/"Dunyo" AA/. O'zbekiston tashqi ishlar vaziri Baxtiyor Saidov kecha mamlakatimizga tashrif buyurgan Qatar transport vaziri o'rinbosari Hamad Iso Abdullo bilan uchrashdi, deb xabar bermoqda "Dunyo" AA muxbiri.
«Qatar transport vaziri o'rinbosari Hamad Iso Abdullo janoblari bilan uchrashishdan mamnunmiz, — deb yozdi O'zbekiston TIV rahbari o'zining telegram kanalida. — Jadal sur'atlarda rivojlanayotgan O'zbekiston-Qatar ikki tomonlama munosabatlarining ko'plab jihatlarini, jumladan, mamlakatlarimiz o'rtasida transport aloqalarini rivojlantirish borasidagi hamkorlikni muhokama qildik».