/Dunyo AA/. Bugun poytaxtimizdagi Xalqaro kongress xollda Prezident Shavkat Mirziyoyev Oliy Majlis va O‘zbekiston xalqiga Murojaatnoma yo‘llamoqda, deb xabar bermoqda “Dunyo” AA muxbiri.
Tadbirda Oliy Majlis Senati aʼzolari va Qonunchilik palatasi deputatlari, davlat va nodavlat tashkilotlari rahbarlari, mamlakatimizda akkreditatsiyadan o‘tgan xorijiy davlatlar diplomatiya missiyalari vakillari hamda ommaviy axborot vositalari vakillari ishtirok etishmoqda.
Murojaatnoma o‘ndan ortiq telekanal orqali jonli efirda, shuningdek, Prezidentning ijtimoiy tarmoqlardagi sahifalari orqali onlayn yoritib boriladi.
Mamlakatimiz siyosiy hayotidagi eng muhim voqea bo‘lgan ushbu tadbirda 2022 yildagi asosiy ko‘rsatkichlar, yangi yilga mo‘ljallangan maqsad va vazifalar eʼlon qilinadi.
