Shu kunlarda Dehli shahrida Hindiston mehnat resurslari vazirligi huzuridagi urdu tilini rivojlantirish Milliy Qo‘mitasi tomonidan “Dunyo miqyosida urdu tili maqomi” mavzusida xalqaro anjuman bo‘lib o‘tdi.
Anjumanda Hindiston bilan bir qatorda Angliya, Germaniya, Turkiya, Eron, Misr va Yaponiya kabi mamlakatlarning urdushunos olimlari ishtirok etdi hamda urdu tilining dunyo mamlakatlaridagi maqomi va rivojlanish tendensiyalari haqida ma’ruzalar o‘qishdi.
Tadbirda Toshkent Davlat sharqshunoslik instituti dotsenti Muhayyo Abduraxmonova O‘zbekistonda urdushunoslik, bu yo‘nalishdagi ilmiy-tadqiqot ishlari va tarjimalar haqida ma’ruza qildi.
