/"Dunyo" AA/. Bugun "Ko'ksaroy" qarorgohida O'zbekiston-Belarus sammiti yakunlangach, birgalikda daraxt ekish marosimi bo'lib o'tdi, deb xabar bermoqda "Dunyo" AA muxbiri.
Davlatimiz rahbari matbuot xizmati ma'lumotiga ko'ra, faxriy mehmonlar xiyobonida Prezidentlar Shavkat Mirziyoyev va Aleksandr Lukashenko mamlakatlarimiz va xalqlarimiz o'rtasidagi do'stlik va sheriklik munosabatlarini yanada mustahkamlashga intilish ramzi sifatida daraxt ekdilar.