“Dunyo” AA/. Prezident Shavkat Mirziyoyev davlat rahbarlarining «Markaziy Osiyo – Yevropa Ittifoqi» formatidagi birinchi majlisida ishtirok etish uchun bugun amaliy tashrif bilan Ostona shahriga jo‘nab ketdi, deb xabar bermoqda “Dunyo” AA muxbiri.
Davlatimiz rahbari matbuot xizmati maʼlumotiga ko‘ra, tadbirda mintaqamiz mamlakatlarining yetakchilari va Yevropa kengashi Prezidenti Sharl Mishel ishtirok etadi.
Sammitda siyosiy muloqotni rivojlantirish, hududlararo hamkorlikni kengaytirish, savdo-iqtisodiy sheriklik va madaniy-gumanitar almashinuvlarni faollashtirish istiqbollari muhokama qilinadi.