/“Dunyo” AA/. Prezident Shavkat Mirziyoyev hududlar iqtisodiyoti, aholi hayoti bilan yaqindan tanishish maqsadida bugun Andijon viloyatiga jo‘nab ketdi, deb xabar bermoqda “Dunyo” AA muxbiri.
Davlatimiz rahbari matbuot xizmati maʼlumotiga ko‘ra, tashrif davomida sanoat korxonalari va yangi uy-joylarni ko‘zdan kechirish, yoshlarga kasb o‘rgatish va aholi bandligini taʼminlash ishlari bilan tanishish rejalashtirilgan.
Davlatimiz rahbari Farg‘ona va Namangan viloyatlarida ham bo‘ladi.