Markaziy saylov komissiyasi tomonidan 2023-yil 15-may kuni arizalarning Markaziy saylov komissiyasiga kelib tushishi navbatini inobatga olgan holda quyidagi siyosiy partiyalarga joriy yil 9-iyul kuni boʻlib oʻtadigan muddatidan ilgari Oʻzbekiston Respublikasi Prezidenti saylovida ishtirok etish uchun ijozat berildi:
1. Oʻzbekiston Xalq demokratik partiyasi (Markaziy saylov komissiyasining 1255-son qarori);
2. Tadbirkorlar va ishbilarmonlar harakati — Oʻzbekiston Liberal-demokratik partiyasi (Markaziy saylov komissiyasining 1256-son qarori).
3. Oʻzbekiston “Adolat” sotsial-demokratik partiyasi (Markaziy saylov komissiyasining 1257-son qarori).
4. Oʻzbekiston Ekologik partiyasi (Markaziy saylov komissiyasining 1258-son qarori).
5. Oʻzbekiston “Milliy tiklanish” demokratik partiyasi (Markaziy saylov komissiyasining 1259-son qarori).
Oʻzbekiston Respublikasi Prezidenti saylovida ishtirok etish uchun ijozat berish toʻgʻrisidagi qarorlar Markaziy saylov komissiyasining rasmiy veb-saytida eʼlon qilindi.
Markaziy saylov komissiyasi
Matbuot xizmati
