ТОШКЕНТ, 19 май. /«Дунё» АА/. 21 май куни Москвадаги Третьяков галереясида таниқли режиссёр Али Ҳамроев таваллуд айёми муносабати билан "Триптих" ("Мевазорлик аёл") фильмининг намойиши бўлиб ўтади. Фильм намойиши Ўзбекистон Кинематография агентлиги билан ҳамкорликда ўтказилмоқда, деб хабар бермоқда «Дунё» АА мухбири агентлик маълумотига таяниб.
Фильмда ўзбек аёлларининг тақдири ҳақида ҳикоя қилинади. Ҳикоя марказидан турли хил ёшдаги ва ҳар хил характерга эга уч аёлнинг образи ўрин олган, уларнинг тақдири орқали ўзбек аёллари ҳаётида юз берган ижтимоий ва маънавий ўзгаришларни кузатиш мумкин.
Эслатиб ўтамиз, Али Ҳамроевнинг "Триптих (Мевазорлик аёл)" фильми 1980 йилда ўтказилган Сан-Ремо халқаро фестивалида Гран-при соҳиби бўлган.
