2019-yilning 25-mart kuni amaliy tashrif bilan Moskva shahrida bo‘lib turgan O‘zbekiston Respublikasi Tashqi ishlar vazirining birinchi o‘rinbosari Ilhom Ne’matov Rossiya Federatsiyasi Tashqi ishlar vaziri o‘rinbosari – stats-sekretar Grigoriy Karasin bilan uchrashdi.
Muzokaralar chog‘ida O‘zbekiston-Rossiya strategik hamkorligi va ittifoqi kun tartibidagi dolzarb mavzular, shuningdek, ba’zi xalqaro va mintaqaviy masalalar yuzasidan atroflicha fikr almashildi.
Avvalo, O‘zbekiston Respublikasi Prezidenti Shavkat Mirziyoyev va Rossiya Federatsiyasi Prezidenti Vladimir Putin o‘rtasida 2018-yilning 18-19-oktabr kunlari Toshkent shahrida o‘tkazilgan muzokaralar doirasida erishilgan kelishuvlarni amalga oshirish jarayoni muhokama qilindi.
Uchrashuvda 2019-yilda bo‘lib o‘tadigan turli darajalardagi ikki tomonlama uchrashuvlar jadvali bo‘yicha takliflar ham ko‘rib chiqildi.
