ТОШКЕНТ, 5 июнь. /“Дунё” АА/. ?нновацион ривожланиш вазирлиги ташаббуси билан Венгриянинг “ArchEnerg” халқаро қайта тикланувчи энергия ва қурилиш савдо кластери мутахассислари иштирокида инновацион ғоя, технология ва кластерлар асосида мамлакат ёқилғи-энергетика тармоғини жадал инновацион ривожлантириш бўйича хорижий тажрибани ўрганиш мақсадида онлайн видеотадбир ўтказилди, деб хабар бермоқда “Дунё” АА мухбири вазирлик манбасига асосланиб.
Учрашувда ҳамкорликда амалга оширилиши мумкин бўлган бир қатор йўналишлар бўйича фикр алмашилди. Хусусан R&D тадқиқот ва ривожланиш тизимини ёқилғи-энергетика, саноат, транспорт ва қайта тикланувчи энергия йўналишларда Венгрия тажрибасини ўрганиш, тажриба алмашиш белгилаб олинди.
“ArchEnerg” халқаро кластери 2007 йилда қайта тикланувчи энергия самарадорлигига асосланган иқтисодий ва ижтимоий моделни яратиш мақсадида ташкил этилган бўлиб, 2009 йилда Аккредитацияланган ?нновацион Кластер сертификатига эга бўлди.
Онлайн-мулоқот якунида Ўзбекистон ?нновацион ривожланиш вазирлиги ва Венгриянинг “ArchEnerg” компанияси билан ҳамкорлик тўғрисидаги англашув меморандуми лойиҳасини тайёрлашга келишиб олинди.
