ТОШКЕНТ, 19 апрель. /«Дунё» АА/. Ўзбекистонда жорий йил 30 апрель - 18 май кунлари олтинчи халқаро жаз фестивали ўтказилади, деб хабар бермоқда “Дунё” АА мухбири.
Фестиваль 2011 йилда ЮНЕСКО томонидан расман эълон қилинган халқаро жаз куни нишонланиши муносабати билан ўтказилади.
ЮНЕСКО ваколатхонасининг маълумотига кўра, тадбир Маданият ва санъатни ривожлантириш жамғармаси, Ўзбекистон давлат консерваторияси ва Тошкент шаҳар ҳокимлиги томонидан Франция, Германия, Венгрия, Ҳиндистон, Польша, Словакия, Швейцария ва АҚШ элчихоналари иштирокида ташкил этилмоқда.
Қайд этиш жоизки, Ўзбекистон халқаро жаз байрамида 2015 йилдан буён иштирок этиб келмоқда. Бу галги фестиваль доирасида Ўзбекистон давлат консерваториясида ўзбекистонлик ва хорижлик жаз ижрочиларининг 20 га яқин концерти бўлиб ўтади ва улар асосий маконга айлангани ҳолда жазнинг 85 йиллигини нишонлайди. Шунингдек, Хива шаҳрининг ?чон қалъасида очиқ ҳавода, Урганч шаҳридаги Огаҳий номидаги мусиқали драма театрида, Бухоро шаҳридаги мусиқали драма театри ва ?лхом театрида концертлар намойиш этилади.
Бундан ташқари, Успенский номидаги мусиқа коллежи, Тошкент цирк коллежи, Ўзбекистон давлат консерваторияси, Тошкентдаги “Бонум Фактум” галереяси ва “Мақом” барида, шунингдек, Бухородаги мусиқа коллежида маҳорат дарслари ва мусиқа машғулотлари ташкил этилади.
Фестиваль иштирокчилари анъанавий равишда турли мамлакатларнинг кўплаб жаз юлдузларидан иборат бўлиб, улар нафақат ўз маҳоратларини намойиш этиш, балки алоқаларини кенгайтириш ва халқаро жаз жамиятига аъзо бўлиш учун Ўзбекистонга ташриф буюришади. Улар орасида Тим Бёрнер (Германия), Вендетта Жинетты (АҚШ), ?горь Бутман ва рус жаз оркестри (Россия), Трио Грегори каби машҳур санъаткорлар бор.
