ТОШКЕНТ, 14 апрель. /«Дунё» АА/. 2022 йил 1 январь ҳолатига кўра, мамлакатимизда амал қилаётган театрлар сони 50 тани ташкил этди, деб хабар бермоқда “Дунё” АА мухбири.
Давлат статистика қўмитаси маълумотномасида қайд этилишича, театрлар сони ўтган йилнинг шу даврига таққослаганда 1 тага кўпайган.
Театрларнинг сони йиллар кесимида:
2000 йил – 40,
2010 йил – 42,
2020 йил – 49 та.
Ўз жанрлари бўйича театрлар қуйидагича тақсимланади: драматик театрлар – 24, қўғирчоқ театрлари – 11, мусиқа театрлари – 10, ёш томошабинлар театри – 4, опера ва балет театри – 1 та.