ТОШКЕНТ, 7 февраль. /«Дунё» АА/. Бундан аввалроқ «Миниатюра санъати» номли кўпмиллатли (Озарбайжон, Эрон, Туркия ва Ўзбекистон) номзоднома ЮНЕСКО ?нсоният номоддий маданий мероси репрезентатив рўйхатига киритилган эди. Ушбу номзоднома ЮНЕСКО номоддий маданий мерос қўмитасининг сертификатини олди, деб хабар бермоқда «Дунё» АА мухбири Туризмни ривожлантириш давлат қўмитаси мълумотига таяниб.
Бу хушхабар миниатюра санъати азалдан барқ уриб ривожланган юртимиздаги санъатсеварлар томонидан хурсандчилик билан кутиб олинди.
Бугунги кунда Ўзбекистон Бадиий академияси тизимида Камолиддин Беҳзод номидаги Шарқ миниатюра санъати музейи фаолият юритмоқда. Бу ерда миниатюра санъатига оид асарлар, нодир китоблар, тарихий ҳужжатлар, лавҳ ва бошқа намуналар сақланади.
ЮНЕСКО сертификати дунё миқёсида Шарқ миниатюрасига қизиқиш ва эътиборнинг ортаётганини ифодаламоқда.