ТОШКЕНТ, 19 апрель. /«Дунё» АА/. “Ўзбеккино” Миллий агентлиги буюртмасига биноан суратга олинган режиссёр Ёлқин Тўйчиевнинг “Фариданинг икки минг қўшиғи” ва Аюб Шаҳобиддиновнинг “Рангсиз тушлар” фильми 20-26 апрель кунлари бўлиб ўтадиган “GoEast” (Festival of Central and Eastern Europan Film) халқаро фестивалида иштирок этади, деб хабар бермоқда «Дунё» АА мухбири агентлик маълумотига таяниб.
Мазкур кинофестиваль ҳар йили Марказий ва Шарқий Европанинг турли минтақаларидан бадиий, ҳужжатли ва анимацион фильмларни саралаб олади ва турли номинациялар бўйича мукофотлайди.
Шу билан бирга юқорида кўрсатилган кинокартиналар фестивалнинг асосий дастуридан ташқари танловларда ҳам иштирок этади ва киномутахассислар томонидан муҳокама қилинади.
