ТОШКЕНТ, 14 февраль. /«Дунё» АА/. Ўзбекистон Фанлар академияси Темурийлар тарихи давлат музейида «Алишер Навоий ва Заҳириддин Муҳаммад Бобур асарларига ишланган миниатюралар» кўргазмаси бўлиб ўтаяпти, деб хабар қилмоқда «Дунё» АА мухбири
Ўзбекистон Бадиий академияси маълумотига кўра, кўргазма Алишер Навоий ва Заҳириддин Муҳаммад Бобур таваллуд саналарига бағишланган бўлиб, унда «Алишер Навоий асарлари» ва «Бобурнома»га ишланган минатюраларнинг фотонусхалари намойиш этилмоқда.
Кўргазмадан асосий мақсад жаҳон санъати тараққиётига катта ҳисса қўшган темурийлар даври миниатюра ва китобат санъатини Алишер Навоий ва Заҳириддин Муҳаммад Бобур асарларига ишланган ноёб намуналар орқали кенг жамоатчиликка намойиш этишдан иборат, дейилади манбада.