ТОШКЕНТ, 18 декабрь. /«Дунё» АА/. “Ўзбеккино” Миллий агентлиги буюртмасига биноан суратга олинган режиссёр Аюб Шаҳобиддиновнинг “Рангсиз тушлар” фильми жорий йил 24-26 декабрь кунлари Бангладеш пойтахти Дакка шаҳрида бўлиб ўтадиган "Cinemaking film festival" да иштирок этади, деб хабар бермоқда «Дунё» АА мухбири агентлик маълумотига таяниб.
"Бу йил биринчи марта ўтказилаётган фестивалнинг танлов комиссияси 400 дан ортиқ фильмни кўриб чиқди. Ўзбекистоннинг "Рангсиз тушлар" фильми "Халқаро бадиий фильмлар" йўналишида асосий конкурсга қабул қилинди. Ушбу йўналишда дунёнинг турли давлатларидан танлаб олинган 14 та фильм ўзаро рақобатлашади" - дейди халқаро фестиваль директори Монджурул ?слам Мег.
Маълумот учун, аввалроқ "Рангсиз тушлар" фильми Рим (?талия) шаҳрида бўлиб ўтган XXI "Asiatica film festival" халқаро кинофестивалида иштирок этган.
