ЖАКАРТА, 2 апрель. /«Дунё» АА/. ?ндонезиянинг Тангеранг шаҳридаги умумтаълим мактабларидан бирида Ўзбек тили ва маданияти куни ўтказилди, деб хабар бермоқда «Дунё» АА мухбири.
Мамлакатимизнинг ?ндонезиядаги элчихонаси кўмагида ташкил этилган тадбирда ?ндонезия Таълим, Дин вазирликлари, шунингдек, Тангеранг шаҳри мэрияси вакиллари иштирок этди.
Маданий тадбирда қатнашган мактаб ўқувчилари Ўзбекистон давлат мадҳиясини куйлаб берди, шунингдек, ўзбек миллий рақс ва қўшиқларини ижро этди.
Ўзбек тили ва маданияти куни доирасида халқимизнинг чой ичиш маданияти намойиш этилди, миллий таомларимиз тақдим қилинди.
