ТОШКЕНТ, 18 июнь. /“Дунё” АА/. Пусан кинофестивали Жанубий Кореянинг Бусан шаҳрида (илгари Пусан номи билан танилган) шу йилнинг 7-16 октябрь кунлари ўтиши режалаштирилган, деб хабар бермоқда “Дунё” АА мухбири агентлик манбасига асосланиб.
Фестиваль доирасида кинотеатрларда тақдим қилинадиган фильмлар Осиё кино бозорига тақдим этилади.
Бу галги фестивалда Ёлқин Тўйчиев ўзининг “Фариданинг икки минг қўшиғи” фильми билан иштирок этади.
Қайд этиш жоиз, Осиё қитъасидаги йирик фестиваллардан бири саналган Пусан халқаро кинофестивали Осиё фильмлар академияси, Осиё фильмлари фонди ва Пусан кинофоруми билан ҳамкорлик қилади.